AFYA
 MAAMBUKIZO KATIKA NJIA YA MKOJO (UTI)

Ni matumaini yangu kuwa hamjambo wapenzi wasikilizaji na karibuni katika kipindi chenu chenye faida tele cha Ijue Afya Yako. Leo tutazungumzia tatizo la maambukizi katika njia ya mkojo Urinary Tract Infection ugonjwa ambao unawasumbua sana wanawake wengi na watoto katika nchi nyingi zinzoendelea.

&&&&&&

Maambukizi katika njia ya mkojo au kama unavyojulikana kwa wengi UTI huathiri mfumo wa mkojo ikiwa ni pamoja na ureter ambayo ni kama bomba linalosafirisha mkojo kutoka kwenye figo, pia kibofu cha mkojo na urethra. Ugonjwa huu unaathiri zaidi kibofu cha mkojo na urethra lakini unaweza pia kuathiri figo. Maambukizi haya yakiathiri sehemu za chini za kibofu cha mkojo kitaalamu huitwa simple cystitis au Bladder infection, na maambukizi hayo yakitokea sehemu za juu za mfumo wa mkojo huitwa pylonephritis au kidney infection. Ugonjwa huu husababishwa na bakteria anayeitwa Escherichia coli (E. coli) na tatizo hili husababishwa kwa kiasi kikubwa na bakteria ambao makazi yao ya kawaida ni kwenye utumbo mpana, na hivyo huwa wanapatikana pia kwenye haja kubwa. Lakini baadhi ya watu wanaweza kupata tatizo hili kutokana na kuingiwa na fangasi ingawa pia zipo sababu nyingine chache. Bakteria wa Escherichia coli hawasababishi peke yao UTI bali huambatana na wengine waitwao staphylococcus, saprophyti cus, pseudom onas, enterobacter na kadhalika. Maambukizi katika njia ya mkojo lazima yawe ni kwenye njia ya mkojo na si pengine popote. Wapo wanawake ambao wamekuwa wakidhani kwamba tatizo la kutokwa na uchafu ukeni ni ugonjwa huu, na hilo si sawa kwani huo ni ugonjwa tofauti kabisa na UTI. Tunapozungumzia maambukizi katika njia ya mkojo, inamaanisha ni kutoka eneo la nje ya utupu hadi kwenye kibofu na kutoka kwenye kibofu hadi kwenye figo. Kama maambukizi yako katika eneo la kutoka kwenye kibofu hadi kwenye figo, kitaalamu huitwa Lower Urinary Tract Infection na yakihusisha eneo la juu ya kibofu jina hubadilika na kuitwa, Upper Urinary Tract Infection. Mara nyingi maambukizi haya kwa wanawake husababishwa na kutojisafisha vizuri sehemu za siri na kuvaa nguo za ndani zilizochafu. Pia huweza kusababishwa na matumizi ya pedi za kike zenye kemikali ya kukata harufu ambazo huua bakteria wa asili wa eneo la uke na kuwapa fursa bakteria wanaosababisha maradhi kuzaliana kwa wingi. Halikadhalika upungufu wa homoni ya wanawake iitwayo Oestrogen husababisha bakteria wanaosababisha maambukizi katika njia ya mkojo kuzaliana kirahisi. Matumizi ya baadhi ya dawa kwa muda mrefu, unywaji wa vinywaji vyenye sukari kwa muda mrefu na kutokunywa maji ya kutosha pia huchangia tatizo hili. Uwepo wa mawe katika figo na mirija ya figo pia ni mojawapo ya chanzo cha maambukizi haya katika njia ya mkojo. Sababu nyingine inayosababisha UTI ni matumizi ya maji machafu wakati wa kujisafisha au kuoga ambayo huweza kuweka bakteria kwa urahisi na kupelekea mwanamke kupata ugonjwa huo. Uchafu wa vyoo umetajwa kuwa sababu nyingine, kwani matumizi ya vyoo ambavyo ni vichafu huweza kusababisha mwanamke kupata UTI kwa sababu ndani ya choo kuna bakteria wengi ambao wanaweza kusababisha ugonjwa huo.

&&&&&&

Matatizo haya ya maambukizi licha ya kuwapata zaidi wanawake, huwakumba pia watoto wadogo wa kike kutokana na sababu za kimaumbile ambapo viungo vyao vya uzazi, njia ya mkojo na haja kubwa vipo jirani. Watoto wa kiume ambao hawajatahiriwa nao huweza kupata maambukizi rahisi ya UTI iwapo watajisafisha kwa kutumia maji yasiyo salama ambapo huwa rahisi kwa bakteria kubaki katika ngozi inayoning'inia (govi). Pia wanaume watu wazima ambao hawajatahiriwa wanaweza kupata maambuzi ya UTI kutokana na sababu tuliyoitaja ambapo pia ni rahisi kwao kuambukizwa Ukimwi kama watafanya ngono zembe na ndiyo maana tohara kwa wanaume husisitizwa.
Maambukizi yanayoshambulia mfumo wa mkojo husababishwa zaidi na bakteria wanaoishi katika mfumo wa haja kubwa kwa kuingia na kujikita katika mfumo wa mkojo. Bakteria wengine wanaoleta maabukizo katika njia ya mkojo ni wale watokanao na magonjwa ya zinaa kama kisonono, klamidia, trimonas na fangasi ambapo huwaathiri watu pale wanapojamiiana bila kutumia kinga na watu wenye maradhi hayo. Ili kuepuka kupata maambukizi katika njia ya mkojo, mara kwa mara, ni vyema kutumia kinga na kwa mwanamke wanashauri kila wanapomaliza kufanya tendo la ndoa wakojoe ili kuondoa bakteria walioingia au waliokaa katika tundu ya mkojo wakisubiri kuingia. Baada ya kujua hayo yote hivi sasa tuzijadili dalili za ugonjwa wa UTI.
Baadhi ya dalili za mtu kuambukizwa bakteria katika njia ya mkojo kubwa ni maumivu wakati wa kukojoa, mkojo kuwa na rangi ya njano kupindukia na kuwa na harufu kali ijapokuwa siyo kila mwenye dalili hizo ana maambukizi katika njia ya mkojo. Dalili nyingine za UTI ni maumivu, kutokwa na usaha wakati wa kukojoa, kabla au baada ya kukojoa kukiambatana na maumivu na kuhisi moto wakati mkojo ukitoka. Baadhi ya wanaume wakati mwingine hutokwa na majimaji katika njia ya mkojo wakati wa kujisaidia haja kubwa. Wengine wenye maambukizi hujikuta wakipata vichomi katika njia ya mkojo, au kuhisi kuwashwa sehemu hiyo, kuumwa kiuno au tumbo na kadhalika. Mgonjwa anaweza pia kukumbwa na homa kali mara kwa mara na mwili kuwa mchovu, kwa watoto hupoteza hamu ya kula na mwili huonesha kuchoka.
Wagonjwa wengine hupata maumivu kwenye kibofu cha mkojo ambapo husikia maumivu ya chini ya tumbo usawa wa kitovu na huwa hayaishi. Matatizo haya ya mfumo wa mkojo kama tulivyoona kabla huwapata watu wote wanawake na wanaume. Watu wenye matatizo haya kila wakipima huambiwa wana UTI. Kwa wanaume huhisi hata nguvu za kiume kupungua na wanawake hupoteza hamu ya tendo la ndoa.
Kwa wajawazito ugonjwa unaweza kuhatarisha maisha yao na mtoto aliye tumboni. Bakteria wanaweza kuingilia mfumo wa damu na kusababisha madhara mengine kama vile shinikizo la damu kuwa kubwa kwenye figo na hata kusababisha ufanyaji kazi mbovu wa figo.

&&&&&

Maambukizi katika njia ya mkojo hutibika kwa dawa mbalimbali za kisasa baada ya kufanyiwa vipimo na kuthibitika kuwa mgonjwa ana maambukizi hayo. Dawa ambazo anaweza kupewa ni kama vile Ciprofloxacin, Monurol, Furadantin, Sulfam ethoxazole, co-trimax, ampicillin, gentamicin na kadhalika. Mgonjwa anayesumbuliwa na UTI hapaswi kutumia dawa yoyote bila kwanza kupata ushauri wa daktari.
Wanawake wanashauriwa kuepuka kujisafisha sehemu za siri na maji machafu na yasiyo salama, pia kuepeuka kupaka marashi sehemu hizo, ama kutumia pamba zenye kemikali ya kukata harufu kwani hizo huua bakteria wa asili wa ukeni hali ambayo hukaribisha bakteria wa maradhi kuzaliana kwa wingi. Pia wanashauriwa wanapojisafisha baada ya kujisaidia kuanzia mbele kwenda nyuma, ili kuepusha kuhamisha bakteria walio eneo la haja kubwa na kuingia njia ya mkojo. Kwa wale walio katika kipindi cha ukomo wa hedhi, wanaweza kushauriana na daktari juu ya kutumia oestrogen ya ukeni ili kuwasaidia kujikinga na maambukizi ya UTI. Kwa mwanaume maambukizi haya huathiri nguvu za kiume na kujipenyeza hadi katika korodani na huathiri uzalishaji wa mbegu za kiume na kunaweza hata kusababisha mgumba. Hivyo wanashauriwa kuhakikisha wanatibu bila kuchelewa ugonjw ahuo. Pia maambukizi ya njia ya mkojo huweza kusababisha matatizo ya tezi ya kiume (prostate) kwani husababisha mrija wa mkojo kuziba, kutopitisha mkojo vizuri na kuruhusu bakteria kujenga makazi. Hali hiyo ikitokea mgonjwa lazima akamuone daktari ili awekewe mrija wa kutolea mkojo.
Mpenzi msikilizaji madaktari wanatueleza kuwa, tunaweza kuudhibiti au kuponya ugonjwa huu kwa kunywa maji mengi pamoja na juisi itokanayo na matunda halisi, iwapo tutawahi kabla tatizo halijawa sugu. Kwa maana nyingine, unaweza kujikinga na ugonjwa huu kwa kuwa na mazoea ya kunywa maji ya kutosha kila siku. Ukinywa maji ya kutosha yatakufanya uende haja ndogo kila mara na kwa njia hiyo wale bakteria watakuwa wakitoka na hatimaye kuisha kabisa. Katika hali ya kawaida, ugonjwa wa UTI hutoweka ndani ya siku tatu mara baada ya kuanza kutumia tiba asili ya kunywa maji mengi na juisi ya matunda halisi, iwapo ugonjwa utaendelea kuwepo baada ya siku hizo, hiyo itakuwa na maana ugonjwa wako umeshakomaa na hivyo hauwezi kutibika kwa tiba hii ya nyumbani na itakuwa inapaswa kwenda hospitalini na kuonana na daktari ambaye atafanya uchunguzi na kutoa dozi sahihi ya kutibu ugonjwa huo.
Wasikilizaji wapenzi tutaendelea kujadili ugonjwa wa maambukizo katika njia ya mkojo kwenye kipindi chetu kijacho. Hadi wakati huo tusisahau kuzilinda afya zetu na kwaherini.

 

Bottom of Form

 

          MJUE LIONEL MESSI

Orodha nyingine jinsi Lionel Messi alivyompoteza Cristiano Ronaldo

 

CIES Football Observatory imetoa orodha ya wachezaji bora katika vipengele vitano tofauti  ambapo mastaa mbalimbali wametokea kwenye list hiyo.

Katika chati hiyo Gael Clichy wa Manchester City amefanikiwa kuwa beki bora wa kulia huku Mesut Ozil wa Arsenal akichaguliwa kama kiungo bora mshambuliaji sambamba na Eden Hazard wa Chelsea.

Kwa upande wa washambuliaji Lionel Messi mwenye mabao 19 amefanikiwa kushika nafasi ya kwanza kwa kupata pointi 100 akifatiwa na Arjen Robben mwenye 92 huku nafasi ya tatu ikishikwa na Bas Dost Wolfsburg mwenye pointi 72.

 

Cristiano Ronaldo ambaye amefunga mabao sita tangu ashinde tuzo ya Ballon d’Or iliyotolewa mwezi January anakamata nafasi ya 29.

Orodha ya washambuliaji 10 bora Ulaya na points walizopata

1. Lionel Messi, Barcelona (100)

2. Arjen Robben, Bayern Munich (92)

3. Bas Dost, Wolfsburg (77)

4. Luis Suarez, Barcelona (71)

5. Diego Costa, Chelsea (61)

=6. Harry Kane, Tottenham Hotspur (57)

=6. Marco Reus, Borussia Dortmund (57)

8. Lucas Barrios, Montpellier (56)

9. Pierre-Emerick Aubameyang, Borussia Dortmund (55)

10. Christophe Mandanne, Guingamp (54)

Viungo 10 bora washambuliaji

1. Eden Hazard, Chelsea (100)

=1. Mesut Ozil, Arsenal (100)

3. Jesus Navas, Man City (86)

4. Kevin de Bruyne, Wolfsburg (85)

5. Shinji Kagawa, Borussia Dortmund (84)

6. Marek Hamsik, Napoli (79)

7. David Silva, Man City (77)

8. Maximilian Meyer, Schalke (73)

=9. Roberto Pereyra, Juventus (72)

=9. Javier Pastore, PSG (72)

Mabeki 10 bora wa kati

1. Emir Spahic, Bayer Leverkusen (100)

2. Martin Demichelis, Man City (89)

3. Mats Hummels, Borussia Dortmund (79)

4. Chris Smalling, Man Utd (76)

5. Thiago Silva, PSG (71)

=6. David Luiz, PSG (69)

=6. Stefan de Vrij, Lazio (69)

8. Marcos Rojo, Man Utd (68)

=9. Konstantinos Manolas, Roma (64)

=9. Neven Subotic, Borussia Dortmund (64)

 

NIME KUPAKULIA SURA ZA MBELE ZA MAGAZETI YA LEO MARCH 31.2015

Nita endelea kukuhabarisha habari mototo za kila leo............

Messi kuongezewa pesa Barcelona, unadhani anamzidi Ronaldo kwa sasa.........?

 

Haya ndio majina makubwa zaidi kwenye soka kwa sasa.. Ushindani ni mkubwa huku wengine wakivutana kuufikia muafaka, eti nani mkali kuliko mwenzake, Ronaldo au Messi?

Mkongwe wa soka duniani Pele alinukuliwa na vyombo vya habari kwamba kura ya nani bora kati ya mastaa hao, yeye angempa Messi!

Leo ishu sio ukali wao uwanjani, ripoti ya mwisho kutolewa na goal.com ilionesha kuwa Ronaldo anaingiza pesa nyingi zaidi kuliko Messi.. Ronaldo anaingia kwenye headlines za kukaa kwenye rekodi kubwa mbili alizoshikilia kwa muda mrefu, ikiwemo hiyo na rekodi ya uchezaji bora wa soka duniani.

Lakini unaambiwa kwa sasa mpinzani wake mkubwa Lionel Messi amemzidi na kutajwa kuwa ndiye mwanasoka anaelipwa pesa nyingi zaidi na Klabu yake ya Barcelona katika list ya wachezaji wa soka, Messi analipwa paundi milioni 26 zinatokana na mshahara huku nyingine zikitokana na dili za mikataba aliyoingia na makampuni mbalimbali.

Kwa sasa Messi anaingiza jumla ya pound milioni 47.8 (zaidi ya Bil. 129) ambapo anamzidi Ronaldo ambaye anapokea pound milioni 39.7 (zaidi ya Bil. 106 Tshs) kwa wiki

  @@@@ Daima sitochoka kukupakulia habari motomoto zakilaleo za kitaifa na zakimataifa @@@@

Zisikupite Stori za MAGAZETI ya leo March 22, 2015, Nimekupakulia hachini

MWANANCHI

Hatimaye mbunge wa Monduli, Edward Lowassa amesema “ameshawishika” na kuweka bayana kuwa atachukua fomu ya kugombea urais kwa tiketi ya Chama cha Mapinduzi (CCM).

Lowassa, ambaye alikuwa Waziri Mkuu wa Serikali ya Awamu ya Nne, amekuwa akitajwa kuwa ni mmoja wa makada wa CCM wanaowania urais, lakini hakuwahi kutangaza nia ya kuwania nafasi hiyo ya juu ya uongozi nchini.

Lakini jana, alilazimika kufunguka kuhusu suala la urais ambalo lilimfanya yeye na wenzake watano wafungiwe kwa kipindi cha miezi 12 kujihusisha na harakati hizo baada ya Kamati Kuu ya CCM kuwatia hatiani kuwa walianza kampeni mapema kabla ya muda kufika.

“Nimepata barua za ushawishi kutoka kwa watu wengi, lakini nyinyi nimeshawishika,” alisema Lowassa nyumbani kwake mjini Dodoma wakati alipokuwa anazungumza na masheikh wa misikiti ya Wilaya ya Bagamoyo wanaokadiriwa kuwa kama 50 hivi ambao pia walikuja mjini hapa kwa ajili ya kumshawishi aingie kwenye kinyang’anyiro cha urais na kumkabidhi mchango wa Sh700,000 za kuchukulia fomu.

“Lakini bado kuna taratibu za chama za kuheshimu. Nangojea pale watakaposema sasa tuwe, basi itakuwa.”

Lowassa alifungiwa na CCM Februari 18, 2014 pamoja na Bernard Membe, ambaye ni Waziri wa Mambo ya Nje na Ushirikiano wa Kimataifa, Steven Wasira (Kilimo, Chakula na Ushirika), na January Makamba (Naibu Waziri wa Mawasiliano, Sayansi na Teknolojia).

Wengine waliofungiwa ni Frederick Sumaye, ambaye alikuwa Waziri Mkuu wa Serikali ya Awamu ya Tatu na William Ngeleja (Mbunge wa Sengerema).

Pamoja na adhabu hiyo kumalizika Februari 18, CCM imesema Kamati ya Maadili inaendelea na uchunguzi kwa ajili ya kujiridhisha kama miongoni mwao kuna waliokiuka adhabu hiyo kabla ya kuwasilisha mapendekezo kwenye Kamati Kuu ambayo itafanya uamuzi.

Masheikh waliofika jana nyumbani kwake wanatoka maeneo ya Mlingotini, Kondo, Kaole, mjini Bagamoyo, Lugoba na Chalinze wilayani Bagamoyo.

Mbali na kumuomba atangaze nia, masheikh hao pia walimsomea dua ya kumtakia heri katika harakati hizo.

“Nyie ni special (maalum), mnatoka Bagamoyo na inajulikana kwa historia na ni nyumbani kwa Rais (Jakaya Kikwete). Namimi nimepata baraka zake na nyie mmemuwakilisha,”Lowassa.

“Tumetoka naye mbali sana, lakini Mwenyezi Mungu akinijalia nitaanzia pale alikomalizia. Amefanya kazi kubwa na ya heshima kwa kweli. Kwa hiyo kitendo cha kutoka nyumbani kwenu kuja kuniona kwa kweli kimenipa nguvu kwamba wenzangu wa Bagamoyo wako pamoja na mimi.”

MWANANCHI

Ikiwa ni siku moja tangu Mbunge wa Kigoma Kaskazini, Zitto Kabwe kutangaza kung’atuka katika nafasi yake ya ubunge, Bunge limeeleza kuwa mbunge huyo atapata mafao yake yote kama wabunge wengine.

Zitto ambaye alitangaza juzi bungeni kuwa anaondoka baada ya kuvuliwa unanachama wa Chadema aliahidi kuwa ‘Mungu akipenda’ atakuwa tena ndani ya chombo hicho cha kutunga sheria Novemba mwaka huu baada ya uchaguzi mkuu.

Kuondoka kwa mbunge huyo pia kunaifanya nafasi ya uenyekiti wa Kamati ya Hesabu za Serikali(PAC) kuwa wazi kwa kuwa ndiye aliyekuwa akiishikilia hadi alipotangaza rasmi juzi kuachia ubunge.

Akizungumzia uamuzi wa Zitto na juu ya mafao yake baada ya kuamua kuondoka mwenyewe, Mkurugenzi wa Shughuli za Bunge, John Joel alisema kuwa mbunge huyo atalipwa mafao yake yote.

“Unajua Chadema wametangaza kumvua uanachama Zitto lakini hawajampa barua, sasa yeye ameona kuwa kuliko kuendelea na ubunge wake ni vyema akakaa kando. Kutokana na suala hilo atalipwa tu mafao yake yote,” Joel.

Katika hatua nyingine, baadhi ya wajumbe wa PAC wamesikitishwa na kuondoka kwa Zitto kabla ya muda wa Bunge la 10 kumalizika huku wakimwelezea ni kiongozi aliyeweza kuwaunganisha katika kamati bila kujali itikadi za vyama.

Wakizungumza kwa nyakati tofauti jana, wajumbe hao walisema aliwafanya wajumbe wa kamati hiyo kuwa familia na aliwaamini na kuwaheshimu wote.

“Ni mtu aliyekuwa na ushirikiano na aliweza kutuunganisha bila kujali itikadi.

“Alitufanya kama familia na alituamini na kutuheshimu. Tunamtakia kila la kheri katika mipango yake ijayo,”Ismail Aden Rage .

MWANANCHI

Waziri wa Kilimo, Chakula na Ushirika, Steven Wasira aliyepewa jukumu la kuandaa Ilani ya CCM kwa ushirikiano na timu ya watu 23 wa chama hicho itakayotumia kwenye kampeni za uchaguzi wa mwaka 2015 hadi 2020, amejitokeza na kusema kazi hiyo ipo ukingoni kukamilika.

Kauli hiyo Wasira ameitoka siku moja baada ya Katibu wa Itikadi na Uenezi wa CCM, Nape Nnauye kuwaeleza waandishi wa habari mjini Arusha kuwa Ilani hiyo inasimamiwa na Wasira na inatarajia kutoa Dira ya Mwelekeo ya chama hicho tawala katika kutatua matatizo ya wananchi.

Alisema Ilani hiyo itaangazia pia mambo ambayo yaliahidiwa ndani ya Ilani iliyopita na hayakutekelezwa ipasavyo. Baadhi ya mambo ambayo hayakufanikiwa ni tatizo la maji, migogoro ya ardhi na suala la ajira.

Akizungumza jana na gazeti hili kwa njia ya simu, Wasira alisema: “Unajua labda ninyi mtakuwa mmechelewa kupata taarifa kuwa tumeanza lini, lakini sisi tulikwishaanza kazi hii na tuko hatua za mwisho za kutoa Rasimu ya Ilani yenyewe.”

Wasira ambaye pia ni Mbunge wa Bunda alisema Ilani hiyo inaandaliwa kwa kuangalia changamoto gani zilizojitokeza kwa miaka 10 nyuma na ndiyo wanayoipa kipaumbele katika maandalizi hayo.

“Ukiangalia uchumi umekuwa ukikua kwa asilimia saba kila mwaka lakini si kiwango kikubwa ukilinganisha na maisha ya wananchi yalivyo hivyo Ilani hii itatakiwa kuja na majibu ya tatizo hilo na kuhakikisha wananchi wetu wanakuwa na maisha bora,” Wasira.

“Suala la ajira ukiangalia wanafunzi wengi wanaanza shule za msingi na wanapomaliza wanaendelea sekondari na baada ya hapo wanakwenda vyuoni hivyo wahitimu wa vyuo vyetu wanaongezeka jambo hapa ni kuja na mkakati wa kupunguza tatizo la ajira kwa vijana wetu.”

HABARILEO

Mitambo ya kufua umeme inayotumia mafuta kwa ajili ya kufua umeme nchini, imetajwa kuwa kikwazo katika maendeleo ya Taifa, kutokana na kutumia rasilimali fedha za kigeni nyingi katika kuzalisha nishati hiyo nchini, ambayo ingeweza kutumika katika maendeleo.

Taarifa za uhakika kutoka Wizara ya Nishati na Madini, Shirika la Umeme (Tanesco), Shirika la Maendeleo ya Petroli Tanzania (TPDC) na Benki Kuu (BoT), zimebainisha kuwa suluhisho pekee la tatizo hilo, ni kukamilika na kuanza kazi kwa bomba la gesi kutoka Madimba Mtwara, hadi Kinyerezi, Dar es Salaam.

Trilioni 1.6 Taarifa ya TPDC kwa umma iliyotolewa mwishoni mwa wiki kuhusu utekelezaji wa ujenzi wa miundombinu ya gesi asilia kutoka Madimba, Mtwara hadi Kinyerezi Dar es Salaam, imeeleza kuwa ununuzi wa mafuta hayo ya kufua umeme umekuwa ukigharimu Taifa zaidi ya Sh trilioni 1.6 kila mwaka.

“Itakapokamilika miundombinu hiyo (ujenzi wa bomba la gesi), itaokoa zaidi ya Dola za Marekani bilioni moja sawa na Sh trilioni 1.6 kwa mwaka, zinazotumika kwa sasa kuagiza mafuta kwa ajili ya kufua umeme kwa kutumia mitambo ambayo tayari ipo nchini,” imeeleza taarifa hiyo.

Mitambo hiyo ni pamoja na mtambo wa IPTL uliopo Tegeta Dar es Salaam unaotumia mafuta mazito na mitambo ya Agreko na Symbion iliyopo Dar es Salaam, inayotumia gesi inayoagizwa kutoka nje.

Mwingine ni mtambo wa Symbion wa Dar es Salaam pia, ambao unatumia mafuta ya kurushia ndege na mitambo mingine miwili ya Symbion ya Dodoma na Arusha, ambayo inatumia gesi inayoagizwa kutoka nje.

Tanesco inavyonyonywa Taarifa kutoka Tanesco zimebainisha kuwa kitendo cha mitambo hiyo kutumia mafuta mazito, mafuta ya ndege na gesi kutoka nje ya nchi, badala ya gesi asilia kufua umeme, kimekuwa ‘kikitafuna’ shirika hilo, kwa kuwa wamiliki wa mitambo hiyo huuza umeme kwa shirika hilo kwa bei ya juu, kuliko bei ambayo Tanesco inalazimika kuuza kwa wananchi.

HABARILEO

Shamba la miwa inayokadiriwa kufikia tani 6,000 baada ya kuvunwa lenye ukubwa wa hekta 240, limechomwa moto na watu wasiojulikana na kusababisha hasara ya Sh milioni 280.2, mali ya wakulima wa wilaya ya Missenyi mkoani Kagera.

Wakizungumza kwa nyakati tofauti juzi, wakulima hao walisema kuwa vitendo hivyo vya jamii kuendelea kuchoma moto hovyo nyikani vimeanza kurejea.

Mmoja wa wakulima hao, Anas Swaibu alisema uchomaji moto hovyo umekuwa changamoto kuu inayorudisha nyuma maendeleo ya mkulima na kumsababishia kutotimiza malengo yake.

Alisema kuwa athari ya moto mashambani, imekuwa ikisababisha mkulima kulazimika kuvuna miwa yake kabla haijakomaa, huku uamuzi huo ukimuingiza hasara kwani malengo ya mavuno yake hushindwa kukamilika ipasavyo.

Kutokana na athari zinazoendelea kusababishwa na vitendo vya uchomaji moto hovyo, mkulima huyo ameuomba uongozi wa serikali ya wilaya kuangalia upya jinsi gani utawala utaweza kushirikisha jamii katika kutokomeza majanga hayo.

“Tunaomba Serikali ifanye utaratibu wa kukutanisha wadau wa maendeleo, wakulima na jamii kwa ujumla ili kuangalia ni jinsi gani tunaweza kutokomeza vitendo hivi kwani kila siku mkulima anazidi kuumia jambo ambalo linarudisha nyuma maendeleo yake,”alisisitiza.

Alisema kuwa kwa sasa bei inayotolewa na mnunuzi mkuu ambaye ni kiwanda cha Sukari cha Kagera kilichopo wilayani humo ambayo ni Sh 46,700 kwa tani moja, kiasi ambacho kiko chini na hakiendani na gharama za uzalishaji katika kilimo hicho.

Alisema shughuli za kilimo cha miwa zinachukua gharama nyingi ukilinganisha na bei inayotolewa kiwandani, japo angalau bei inapaswa kufikia kiasi cha Sh 55,000 kwa tani ili mkulima aweze kupata faida na kukidhi mahitaji yake ya msingi ukilingaisha na gharama za kilimo kupanda.

“Mitaji ya wakulima ni mikopo, hivyo tunalilia bei kwa mnunuzi tukiwa na maana ya kwamba tuweze kurudisha mikopo ya benki na sisi tunufaike na kilimo hiki, kuliko kushindwa kurudisha hata mikopo na kufilisiwa na waliotukopa,” alisema.

Hata hivyo, licha ya kutoridhika na bei hiyo inayotolewa na mnunuzi wa kiwanda hicho, mkulima huyo ametoa shukrani kwa uongozi wa kiwanda cha Sukari Kagera Sugar kwa kutoa msaada mkubwa kwa wakulima vinginevyo kama uongozi usingekuwa karibu na wakulima hao, hakuna ambaye angelikuwa anaendelea na shughuli za kilimo hadi sasa.

MTANZANIA

Rais wa zamani wa Malawi Joyce Banda amekimbilia nchini Marekani kuomba hifadhi ya kisiasa.

Chanzo cha kuaminika kutoka Marekani kilisema Banda ameshapewa hifadhi na Serikali ya Marekani ingawa inafanywa kwa siri.

Banda akiwa nchini humo amekuwa akishiriki hafla mbalimbali anazoalikwa na moja ya hafla aliyoalikwa ni ile ya utoaji tuzo ya kimataifa ya uongozi ya taasisi ya GB Group Global ya Marekani ya mwaka 2015 iliyofanyika katika jiji la Washington.

“Ni kweli Joyce Banda yupo nchini Marekani kwa muda mrefu sasa,na katika hafla hiyo alisema alipokuwa rais kwa muda mchache alijenga wodi za wazazi zilizowasaidia wanawake nchini Malawi kujifungua katika mahali salama” kilisema chanzo hicho.

Chanzo kingine kilisema Juni mwaka jana baada ya Peter Mutharika kuapishwa kuwa rais mpya wa Malawi ndipo Banda alipokimbilia Marekani.

JAMBOLEO

CHADEMA imesema aliyekuwa Mbunge wa Kigoma Kaskazini Zitto Kabwe angerithi mikoba ya Mwenyekiti wake Freeman Mbowe au Dk. Slaa kama angekuwa na nidhamu na kutokuwa msaliti.

Pia kimesema hakitamsahau Zitto kwa kwani alikuwa na mchango mkubwa ndani ya chama hicho.

Mnadhimu mkuu wa kambi ya upinzani Tundu Lissu alisema Zitto alikuwa na mazuri yake ndani ya chama hicho na ni miongoni mwa watu waliokuwa wakipewa nafasi kubwa ya kurithi mikoba ya viongozi wetu wa ngazi ya juu.

Pia Lissu alifafanua kuwa aliamua kutompa Ziito mkono wa kumuaga baada ya kutangaza uamuzi huo bungeni kwa kuwa kufanya hivyo kungemfanya aonekane mnafiki.

Amesema anasimamia anachokiamini kuhusu kasoro alizozifanya Zitto za kumfanya atimuliwe na aliamua kuondoka kwa kuwa alijua kinachofuata kwa kuwa alikiuka katiba ya chama inayokataza mambo ya chama kupelekwa mahakamani.

NIPASHE

Polisi Jijini Arusha wamelazimika kutumia mabomu ya machozi kuwatawanya wananachi wenye hasira waliochoma nyumba na magari baada ya kijana wao anayetuhumiwa kufumaniwa akifanya mapenzi na mfanyakazi wa ndani kuuawa na anayedaiwa kuwa bosi wa mfanyakazi huyo.

Bosi huyo mkazi wa mtaa wa Olasiti Arusha pamoja na wenzake wawili wanatuhumiwa kumuua kijana huyo Melita Mokosio baada ya kumfumaini akifanya ngono na msichana huyo hatua iliyosababisha wakazi wenye hasira kuchoma nyumba yake na magari matatu ya waliohusika na mauaji hayo.

Watu walioshuhudia tukio hilo lililotokea majira ya saa3 asubuhi walimtaja anayedaiwa kumuua kijana huyo ambaye anajulikana kwa jina la baba Tony.

Kaimu kamanda wa polisi Mkoa wa Arusha Edward Balele aliyekuwa eneo la tukio alithibitisha kutokea kwa mauaji hayo na uharibifu wa mali lakini alisema jeshi lake linafanya uchunguzi wa tukio hilo kabla ya kutoa taarifa rasmi.

Nipo tayari kukupakulia habari mototo kutoka kilakona ya dunia ili tuwe karibu na kile kinachotokea kila leo duniani.